Ente Kottayam Live

സംസ്ഥാനത്ത് വൈദ്യുതി നിയന്ത്രണം തുടരുമെന്നും പ്രശ്നം പെട്ടെന്ന് പരിഹരിക്കാൻ സാധിക്കില്ലെന്നും വൈദ്യുതി മന്ത്രി സണ്ണി ജോസഫ്. അഖിലേന്ത്യാ തലത്തില്‍ തന്നെ ഉത്പാദനം കുറയുകയും ആവശ്യം കൂടുകയും ചെയ്യുമ്പോള്‍ വിതരണം കുറയുമെന്നും സണ്ണി ജോസഫ് പറഞ്ഞു. സ്വിച്ച് ഇട്ടതുപോലെ പ്രതിസന്ധി പരിഹരിക്കാന്‍ കഴിയില്ലെന്നും അദ്ദേഹം മാധ്യമങ്ങളോട് പ്രതികരിച്ചു. ഏതെങ്കിലും ഒരു മാര്‍ക്കറ്റില്‍ പോയി വാങ്ങാവുന്ന കാര്യമല്ല. കരാറിൽ ഏര്‍പ്പെടണമെങ്കില്‍ മാസങ്ങള്‍ എടുക്കണം. ദിവസാടിസ്ഥാനത്തില്‍ വാങ്ങുന്ന സംവിധാനം ഉണ്ടെങ്കിലും അവിടെയൊന്നും ലഭ്യത ഇല്ല. സോളാര്‍ ഉത്പാദിപ്പിക്കുന്ന വൈദ്യുതി രാത്രികാലങ്ങളില്‍ സൂക്ഷിച്ചുവെച്ച് ഉപയോഗിക്കാന്‍ സ്‌കീം ആരംഭിച്ചിട്ടുണ്ട്. കേരളം വൈദ്യുതി ആവശ്യത്തിന്റെ 25 ശതമാനം മാത്രമാണ് സ്വന്തമായി ഉത്പാദിപ്പിക്കുന്നത്. ആന്ധ്രയില്‍ അത് 86 ശതമാനമാണെന്നും സണ്ണി ജോസഫ് ചൂണ്ടിക്കാട്ടി. അത്ഭുതങ്ങള്‍ പ്രവര്‍ത്തിക്കാന്‍ ഈ മേഖലയില്‍ സാധ്യമല്ല. ജനങ്ങളുടെ സഹകരണം അഭ്യര്‍ത്ഥിക്കുകയാണ്. പ്രയാസം മനസ്സിലാക്കുന്നു. പരിഹാരം കാണാന്‍ അടിയന്തര നടപടി സ്വീകരിക്കുമെന്നും അദ്ദേഹം അറിയിച്ചു. അനുവദനീയമായ വിലയ്ക്ക് എവ...

സംസ്ഥാനത്ത് നിലനിൽക്കുന്ന കടുത്ത വൈദ്യുതി പ്രതിസന്ധിയെ തുടർന്ന് ഏർപ്പെടുത്തിയിട്ടുള്ള വൈദ്യുതി നിയന്ത്രണങ്ങളുടെ സമയം ഉപഭോക്താക്കളെ മുൻകൂട്ടി അറിയിക്കാൻ പുതിയ സംവിധാനമൊരുങ്ങുന്നു. ദിവസേനയുള്ള പവർകട്ട് സമയങ്ങൾ ഉപഭോക്താക്കളുടെ മൊബൈൽ ഫോണുകളിലേക്ക് സന്ദേശമായി അയക്കാനാണ് കെഎസ്ഇബി നീക്കം നടത്തുന്നത്. (KSEB Power Cut Schedule, KSEB To Send Power Cut Schedule Alerts via Mobile App) ഇതിനായി ഉപഭോക്താക്കൾ ‘കെഎസ്ഇബി വിത്ത് യൂ’ എന്ന മൊബൈൽ ആപ്പിലോ www.kseb.in എന്ന ഔദ്യോഗിക വെബ്‌സൈറ്റിലോ തങ്ങളുടെ ഫോൺ നമ്പർ രജിസ്റ്റർ ചെയ്യേണ്ടതുണ്ട്. നിലവിൽ തിരുവനന്തപുരം ജില്ലയിൽ പരീക്ഷിച്ച് വിജയിച്ച ഈ സന്ദേശ മുന്നറിയിപ്പ് സംവിധാനം ഉടൻ തന്നെ മറ്റ് ജില്ലകളിലേക്കും വ്യാപിപ്പിക്കും. നിലവിൽ പ്രതിദിനം 25 മിനിറ്റ് വീതം രണ്ട് തവണയാണ് നിയന്ത്രണം ഏർപ്പെടുത്തിയിട്ടുള്ളത്. സംസ്ഥാനത്ത് വൈദ്യുതി ഉപഭോഗം ഗണ്യമായി വർധിക്കുകയും ഉൽപ്പാദനം കുറയുകയും ചെയ്തതാണ് നിലവിലെ പ്രതിസന്ധിക്ക് കാരണം. ഉയർന്ന വില നൽകി കൂടുതൽ വൈദ്യുതി പുറത്തുനിന്ന് വാങ്ങാൻ നടപടിയെടുക്കുമെന്നും, നിലവിലെ നിയന്ത്രണങ്ങൾ തുടരുമെന്നും വൈദ്യുതി മന്ത്രി സണ്ണി ജോസഫ്...

സ്കൂളിൽ പോകുന്ന നേരത്തും മടങ്ങി വരുന്ന സമയത്തും വിദ്യാർത്ഥികളുടെ വലിയൊരു പ്രശ്നമാണ് ബസില്‍ കയറിപറ്റുക എന്നത്. മിക്ക ഇടങ്ങളിലും ഇതിന്റെ പേരില്‍ ബുദ്ധിമുട്ട് അനുഭവിക്കുന്നുണ്ട് വിദ്യാര്‍ഥികള്‍. കഴിഞ്ഞ ദിവസം കോട്ടയത്തു സ്കൂൾ സമയം ആയിട്ടും കുട്ടികൾ കയറാതെയിരിക്കാന്‍ പല ബസുകളും  സ്റ്റോപ്പില്‍ നിര്‍ത്താതെ പോകുകയായിരുന്നു. കൂട്ടം കൂടി നിന്ന് സങ്കടപ്പെടുന്ന കുട്ടികളെ കണ്ട കോട്ടയം കല്ലറ പഞ്ചായത്ത് നാലാം വാര്‍ഡ് മെമ്പര്‍ ശ്രീ അരവിന്ദ് ശങ്കര്‍ കാര്യം തിരക്കി. വിഷയം മനസിലാക്കിയ മെമ്പര്‍ പിന്നീട് വന്ന പ്രൈവറ്റ്‌ ബസ് തടഞ്ഞ് നിര്‍ത്തി കൂടി നിന്ന മുഴുവന്‍ വിദ്യാര്‍ത്ഥികളെയും അതേ ബസില്‍ കയറ്റി വിടുകയായിരുന്നു. ഇനിമുതല്‍ കുട്ടികളെ കയറ്റാതെ ഒരു വണ്ടിയും ഇത് വഴി കടന്നു പോകില്ല എന്നും ബസ് ജീവനക്കാരോട് കര്‍ശനമായി അദ്ദേഹം പറയുകയും ചെയ്തു.. ഈ വിഷയത്തില്‍ മെമ്പര്‍ക്ക് ഫുള്‍ സപ്പോര്‍ട്ടുമായി നാട്ടുകാരും കൂടെയുണ്ടായിരുന്നു. ചെറിയ കാര്യമായാലും പ്രശ്നങ്ങള്‍ ഉണ്ടാകുമ്പോള്‍ കൂടെ നില്‍ക്കാന്‍ ഇതുപോലൊരു ജനപ്രതിനിധി ഉണ്ടായാല്‍ മതി മെമ്പര്‍ അരവിന്ദ് ശങ്കറിന് ഒരു ബിഗ് സല്യൂട്ട്....❤️🙏

സംസ്ഥാനത്ത് കടുത്ത വൈദ്യുതി പ്രതിസന്ധിയെത്തുടർന്ന് ഇന്നും വൈദ്യുതി നിയന്ത്രണം ഉണ്ടാകാൻ സാധ്യതയുണ്ടെന്ന് കെ.എസ്.ഇ.ബി മുന്നറിയിപ്പ് നൽകി. വൈകുന്നേരം 6.45 മുതൽ രാത്രി 12.45 വരെയുള്ള പീക്ക് സമയങ്ങളിലായിരിക്കും നിയന്ത്രണം ഏർപ്പെടുത്തുക. കാലവർഷത്തിലുണ്ടായ കുറവും ചൂട് ഉയർന്നതോടെ വൈദ്യുതി ഉപഭോഗം കുത്തനെ ഉയർന്നതുമാണ് പ്രതിസന്ധിക്ക് പ്രധാന കാരണം. സംസ്ഥാനത്ത് പീക്ക് സമയങ്ങളിലെ ഉപഭോഗത്തിൽ 800 മുതൽ 900 മെഗാവാട്ടിന്റെ വരെ ക്രമാതീതമായ വർദ്ധനവാണുണ്ടായിട്ടുള്ളത്. ഇതിനാൽ തന്നെ 800-900 മെഗാവാട്ടിന്റെ ലഭ്യതക്കുറവ് അനുഭവപ്പെടാൻ സാധ്യതയുണ്ട്. രാജ്യത്താകമാനം വൈദ്യുതി ആവശ്യകത ഉയർന്നതിനാൽ പവർ എക്സ്ചേഞ്ച് വഴിയുള്ള ലഭ്യത കുറഞ്ഞു. ഗ്രിഡ് കൺട്രോളർ ഓഫ് ഇന്ത്യയുടെ കണക്കനുസരിച്ചുള്ള 12,000 മെഗാവാട്ടിന്റെ ദേശീയ ക്ഷാമം പൂർണ്ണമായി പരിഹരിക്കപ്പെട്ടിട്ടില്ല. കൂടാതെ സെൻട്രൽ ജനറേറ്റിംഗ് സ്റ്റേഷനിൽ നിന്നുള്ള ലഭ്യതയിലും പെട്ടെന്ന് കുറവുണ്ടായി. നിയന്ത്രണം മൂലം ഉണ്ടാകുന്ന പ്രയാസങ്ങൾ കുറയ്ക്കാൻ, വൈദ്യുതി മുടങ്ങുന്ന സമയം ഉപഭോക്താക്കളെ മുൻകൂട്ടി അറിയിക്കുന്നതിനുള്ള ‘പവർകട്ട് അലർട്ട്’ സംവിധാനം ഇന്നു മുതൽ കെ.എസ്.ഇ.ബി പ്ര...

ബാങ്ക് ജീവനക്കാർ ആഹ്വാനം ചെയ്ത ദേശീയ പണിമുടക്ക് നാളെ (സെപ്റ്റംബർ 11, വെള്ളി). ഡെപ്യൂട്ടി ചീഫ് ലേബർ കമ്മിഷണറുടെ മധ്യസ്ഥതയില്‍ നടന്ന ചർച്ച പരാജയപ്പെട്ടതോടെ പണിമുടക്കുമായി മുന്നോട്ട് പോകാനാണ് ജീവനക്കാരുടെ തീരുമാനം. ശനിയും ഞായറും ബാങ്ക് അവധി ആയതിനാല്‍ തുടർച്ചയായ മൂന്ന് ദിവസം ബാങ്കുകള്‍ അടഞ്ഞു കിടക്കും. തിങ്കളാഴ്ച വിനായകചതുർഥിയുടെ അവധിയുള്ള സ്ഥലങ്ങളില്‍ തുടർച്ചയായ നാല് ദിവസം ബാങ്ക് പ്രവർത്തനങ്ങള്‍ തടസ്സപ്പെടും. ആഴ്ചയില്‍ അഞ്ച് ദിവസം ജോലി, രണ്ട് ദിവസം അവധി എന്ന ആവശ്യം ഉന്നയിച്ചാണ് ബാങ്കിങ് ജീവനക്കാരുടെ പണിമുടക്ക്. ആവശ്യങ്ങള്‍ അംഗീകരിച്ചില്ലെങ്കില്‍ അനിശ്ചിതകാല സമരത്തിലേക്ക് നീങ്ങുമെന്നാണ് സംഘടനകള്‍ പറയുന്നത്. ബാങ്കുകളുടെ പ്രവൃത്തിദിനം ആഴ്ചയില്‍ 5 ആക്കണമെന്ന ആവശ്യത്തോട് സർക്കാർ ഇതുവരെ അനുകൂലമായി പ്രതികരിച്ചിട്ടില്ല. വിശാലമായ കൂടിയാലോചനകള്‍ക്ക് ശേഷമേ തീരുമാനത്തിലെത്താൻ കഴിയൂവെന്ന നിലപാടിലാണ് സർക്കാർ. തുടർച്ചയായ ദിവസങ്ങളില്‍ ബാങ്കിങ് സേവനങ്ങള്‍ തടസ്സപ്പെടുന്നതിനാല്‍ അത്യാവശ്യ ഇടപാടുകള്‍ ഇന്നു തന്നെ പൂർത്തിയാക്കണം. ബാങ്ക് യൂണിയനുകളുടെ സംയുക്ത ഫോറം, യൂണൈറ്റഡ് ഫോറം ഓഫ് ബാങ്ക് യൂണിയന്...

കോട്ടയം പാലാ ആര്‍.വി. ജങ്ഷനില്‍ പരിശോധനയ്ക്കിടെ പോലീസുകാരെ കാറിടിപ്പിച്ചു കടന്നുകളയാന്‍ ശ്രമിച്ച പ്രതികള്‍ പിടിയില്‍. പ്രതികളില്‍ നിന്ന് അര കിലോ കഞ്ചാവും പൊലീസ് കണ്ടെടുത്തു. വാഹന പരിശോധനയ്ക്കിടെ നിര്‍ത്താതെ പോയ കാര്‍ ഇടിച്ചു പരിക്കേറ്റ പാലാ പോലീസ് സ്റ്റേഷനിലെ ഉദ്യോഗസ്ഥനായ അഭിലാഷിനെ പാലായിലെ സ്വകാര്യ ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് മൂന്ന് പ്രതികളെ പാലാ പൊലീസ് പിടികൂടി. നടക്കല്‍ കണിയാംകുന്നേല്‍ ഷാഹിദ്, വെങ്ങല്ലൂര്‍ അജ്മല്‍, നെട്ടൂര്‍ വെട്ടിക്കാട്ടുപറമ്പില്‍ മുഹമ്മദ് സഹല്‍ എന്നിവരാണ് പിടിയിലായത്. എറണാകുളത്തു നിന്നും ഈരാറ്റുപേട്ടയിലേക്ക് കഞ്ചാവ് എത്തിച്ച് വില്‍പ്പന നടത്തുന്ന സംഘത്തില്‍പ്പെട്ടവരാണ് ഇവരെന്നും, പ്രതികള്‍ക്കെതിരെ മുന്‍പും സമാനമായ കേസുകള്‍ നിലവിലുണ്ടെന്നും പോലീസ് വ്യക്തമാക്കി...

സംസ്ഥാനത്ത് ഇന്നത്തെ ഉയര്‍ന്ന ചൂടും കടുത്ത വൈദ്യുതി ഉപഭോഗവും കാരണം ഭാഗികമായി വൈദ്യുതി നിയന്ത്രണം ഏര്‍പ്പെടുത്തുമെന്ന് കെ.എസ്.ഇ.ബി. അറിയിച്ചു. വൈകിട്ട് 6.30 മുതല്‍ രാത്രി 12.30 വരെയായിരിക്കും നിയന്ത്രണം ഏര്‍പ്പെടുത്തുക. ചൂട് കാരണം പ്രതിദിന ഉപഭോഗത്തില്‍ 800 മുതല്‍ 900 മെഗാവാട്ടിന്റെ വരെ വര്‍ധനവ് ഉണ്ടാകാന്‍ സാധ്യതയുള്ളതിനാലാണ് ഇത്തരമൊരു നടപടിയിലേക്ക് ബോര്‍ഡ് കടന്നത്.  കഴിഞ്ഞ ദിവസങ്ങളിലും സമാനമായ രീതിയില്‍ സംസ്ഥാനത്ത് വൈദ്യുതി നിയന്ത്രണം നടപ്പിലാക്കിയിരുന്നു. ഇതിന്റെ ഭാഗമായി ഇന്നലെ പല പ്രദേശങ്ങളിലും ഘട്ടം ഘട്ടമായി ഒരു മണിക്കൂറോളം വൈദ്യുതി മുടങ്ങുകയുണ്ടായി. എന്നാല്‍ ഇന്നലത്തെ അപേക്ഷിച്ച് ഇന്നത്തെ പ്രതിസന്ധി കൂടുതല്‍ ഗുരുതരമാണെന്നാണ് കെ.എസ്.ഇ.ബി. അധികൃതര്‍ വ്യക്തമാക്കുന്നത്.  നാഷണല്‍ പവര്‍ എക്‌സ്‌ചേഞ്ചില്‍ നിന്നടക്കം ആവശ്യത്തിന് വൈദ്യുതി ലഭ്യമായില്ലെങ്കില്‍ വരും ദിവസങ്ങളിലും ഈ നിയന്ത്രണം തുടരേണ്ടി വരും. മുന്‍ ദിവസങ്ങളില്‍ വൈകിട്ട് 6.30 മുതല്‍ രാത്രി 12 മണി വരെയായിരുന്ന നിയന്ത്രണ സമയം, പ്രതിസന്ധി രൂക്ഷമായതിനെ തുടര്‍ന്ന് ഇന്ന് രാത്രി 12.30 വരെയായി ദീര്‍ഘിപ്പിക്കുകയാണ് ചെയ്...

ബ ഹിരാകാശത്തുനിന്നുള്ള പുതിയ ഉപഗ്രഹ ചിത്രങ്ങള്‍ നല്‍കുന്നത് ഇന്ത്യയുടെ കാലാവസ്ഥാ മാറ്റത്തിന്റെ ഞെട്ടിപ്പിക്കുന്ന സൂചനകളാണ്.  രാജ്യമൊട്ടാകെ മേഘാവൃതമല്ലാത്ത തെളിഞ്ഞ ആകാശം ദൃശ്യമാകുന്നതോടെ, ഇന്ത്യയില്‍ തെക്കുപടിഞ്ഞാറൻ മണ്‍സൂണിന്റെ ശക്തി ഗണ്യമായി കുറയുകയാണെന്ന വിലയിരുത്തലിലാണ് കാലാവസ്ഥാ നിരീക്ഷകർ. പ്രത്യേകിച്ച്‌ വടക്കുപടിഞ്ഞാറൻ, മധ്യ ഇന്ത്യയ്ക്ക് മുകളിലെ മേഘാവരണം പൂർണ്ണമായും കുറഞ്ഞിട്ടുണ്ട്. എന്നാല്‍, മണ്‍സൂണ്‍ പിൻവാങ്ങല്‍ ഔദ്യോഗികമായി ഇന്ത്യയില്‍ ആരംഭിച്ചിട്ടില്ലെന്നാണ് കാലാവസ്ഥാ വകുപ്പ് വ്യക്തമാക്കുന്നത്. ഉപഗ്രഹ ചിത്രങ്ങള്‍ നല്‍കുന്ന അപായ സൂചനകള്‍ അറബിക്കടല്‍ മുതല്‍ പടിഞ്ഞാറൻ പസിഫിക് മഹാസമുദ്രം വരെയുള്ള വിശാലമായ പ്രദേശത്ത് മേഘങ്ങളുടെ വിന്യാസത്തില്‍ വൻ കുറവാണ് രേഖപ്പെടുത്തിയിരിക്കുന്നത്. ചൈന, ഇന്തൊനീഷ്യ, സുമാത്ര എന്നിവയുള്‍പ്പെടെയുള്ള തെക്ക്, കിഴക്കൻ ഏഷ്യൻ രാജ്യങ്ങളിലും സാമ്യമുള്ള കാലാവസ്ഥാ വ്യതിയാനങ്ങള്‍ ദൃശ്യമാണ്. ആഗോളതലത്തില്‍ പ്രതിഫലിക്കുന്ന പ്രബലമായ എല്‍നിനോ സ്വാധീനമാണ് വൻതോതിലുള്ള ഈ മേഘക്കുറവിന് പിന്നിലെ പ്രധാന കാരണം. അന്തരീക്ഷ ചംക്രമണ പാറ്റേണുകളില്‍ വരുന്ന മാറ്റങ്ങള...