ശമ്പള വര്ധനവ് ആവശ്യപ്പെട്ട് സ്വകാര്യ ആശുപത്രികളിലെ നഴ്സുമാര് നാളെ പണിമുടക്കും...
ശമ്പള വര്ധനവ് ആവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് നാളെ പണിമുടക്കും. യുണൈറ്റഡ് നഴ്സസ് അസോസിയേഷന്റെ നേതൃത്വത്തിലാണ് പണിമുടക്ക്.
ഏറ്റവും കുറഞ്ഞ വേദനം 40000 രൂപയാക്കി ഉയര്ത്തണമെന്നാവശ്യപ്പെട്ടാണ് സൂചനാ പണിമുടക്ക്.
മിനിമം വേതനം ഉയര്ത്തുന്നതിനായി നാളത്തെ സൂചന പണിമുടക്കിനു ശേഷം കൂടുതല് സമര പരിപാടികളിലേക്ക് നീങ്ങുമെന്നും യുഎന്എ ദേശീയ പ്രസിഡന്റ് ജാസ്മിന് ഷാ പറഞ്ഞു.
സ്വകാര്യ ആശുപത്രിയില് നഴ്സുമാര്ക്ക് 20000 രൂപ പോലും ലഭിക്കാത്ത സാഹചര്യമാണുള്ളതെന്നും ജാസ്മിന് ഷാ വ്യക്തമാക്കി. നഴ്സുമാരുടെ ശമ്പളം വര്ധിപ്പിക്കാന് സംസ്ഥാന സര്ക്കാര് ഉത്തരവിറക്കുന്നില്ലെന്നും. നാളെ ആശുപത്രികളിലെ മൂന്നില് ഒന്ന് ജീവനക്കാര് ജോലിക്ക് കയറും. ബാക്കിയുള്ളവര് സൂചനാ സമരത്തില് പങ്കെടുക്കുമെന്നും ജാസ്മിന് ഷാ പറഞ്ഞു. പണിമുടക്ക് ദിവസം തൃശൂരില് അവകാശ പ്രഖ്യാപന സമ്മേളനവും നടക്കും. ആലപ്പുഴ വണ്ടാനം മെഡിക്കല് കോളജില് ശസ്ത്രക്രിയക്കിടെ ശസ്ത്രക്രിയ ഉപകരണം വീട്ടമ്മയുടെ വയറ്റില് അകപ്പെട്ട സംഭവം സിസ്റ്റത്തിന്റെ പിഴവാണെന്നും നഴ്സുമാരും രോഗികളും തമ്മിലുള്ള അനുപാതം പാലിച്ചാലെ പ്രശ്നം തീരുകയുള്ളുവെന്നും ജാസ്മിന് ഷാ പറഞ്ഞു. എല്ലാ ഉത്തരവാദിത്തവും ഡോക്ടര്മാര് അവസാനം നഴ്സുമാരുടെ തലയിലിടുകയാണെന്നും ജാസ്മിന് ഷാ കുറ്റപ്പെടുത്തി..
