മുണ്ടക്കയം കുട്ടിക്കാനം റൂട്ടില്‍ വാഹന അപകടത്തില്‍ ആന്ധ്രാ സ്വദേശികളായ 2 അയ്യപ്പഭക്തര്‍ മരിച്ചു..
മുണ്ടക്കയം കുട്ടിക്കാനം റൂട്ടില്‍ വാഹന അപകടത്തില്‍ ആന്ധ്രാ സ്വദേശികളായ 2 അയ്യപ്പഭക്തര്‍ മരിച്ചു. പെരുവന്താനം അമലഗിരി പള്ളിക്ക് സമീപമാണ് അപകടമുണ്ടായത്.അയ്യപ്പഭക്തര്‍ സഞ്ചരിച്ചിരുന്ന ട്രാവലര്‍ കാറിലിടിച്ചാണ് ആദ്യം അപകടമുണ്ടായത്. ഇത് സംബന്ധിച്ച് ഇരുവാഹനങ്ങളിലുമുണ്ടായിരുന്നവര്‍ സംസാരിക്കവെ പിന്നിലൂടെയെത്തിയ മിനി ബസ് ട്രാവലറിന് പിന്നില്‍ ഇടിച്ച് കയറുകയായിരുന്നു. ട്രാവലറിന് മുന്നില്‍ സംസാരിച്ചുനിന്നിരുന്ന 2 പേരാണ് അപകടത്തില്‍ മരിച്ചത്. മതിലിനും വാഹനത്തിനും ഇടയില്‍പെട്ട് ഇവര്‍ മരിച്ചെന്നാണ് വിവരം. ആന്ധ്രാ സ്വദേശികളായ ആദിനാരായണന്‍, ഈശ്വരപ്പ എന്നിവരാണ് മരിച്ചത്...
