ഇലവീഴാപൂഞ്ചിറയിലും ഇല്ലിക്കല്ക്കല്ലിലും പ്രവേശന വിലക്ക്, വാഗമണ് റോഡില് രാത്രികാല യാത്രാ നിരോധനം...
കോട്ടയം ജില്ലയിലെ വിനോദസഞ്ചാരകേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്ക്കല്ല് എന്നിവിടങ്ങളിലെ പ്രവേശനവും ഈരാറ്റുപേട്ട വാഗമണ് റോഡിലെ രാത്രികാല യാത്രയും ജൂലൈ 20 വരെ ജില്ലാ കളക്ടര് ജോണ് വി.സാമുവല് നിരോധിച്ചു.
അതിശക്തമായ മഴയ്ക്ക് സാധ്യതയുളളതിനാല് കേന്ദ്ര കാലാവസ്ഥ വകുപ്പ് കോട്ടയം ജില്ലയില് ഞായറാഴ്ച ഓറഞ്ച് അലെര്ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയുണ്ട്. 24 മണിക്കൂറില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. വെള്ളി, ശനി ദിവസങ്ങളില് ജില്ലയില് ഒറ്റപ്പെട്ടയിടങ്ങളില് ശക്തമായ മഴ പെയ്തു...
