Ente Kottayam Live

ഇന്ന് വിനോദസഞ്ചാരം ഏവരുടെയും ഇഷ്ട മേഖലയാളാണ്. യാത്രകള്‍ പോകാന്‍ കാത്തിരിക്കുന്നവരാണ് പലരും. അവധിയായാല്‍ കുടുംബവുമൊത്ത് യാത്ര തിരിക്കുന്നവരാണ് ഇന്ന് മിക്കവരും. അധികം ദൂരയല്ലാതെ കുട്ടികളുമൊത്ത് പോയിവരാന്‍ പറ്റുന്ന ഇടങ്ങളാണ് പലപ്പോഴും നാം തിരയുന്നത്? കോട്ടയം ജില്ലയില്‍ അതിമനോഹരമായ നിരവധി ടൂറിസ്റ്റ് കേന്ദ്രങ്ങളുണ്ട്. കോട്ടയം ജില്ലയിലുള്ളവര്‍ക്ക് അധികം ദൂരെ യാത്ര ചെയ്യാതെ വാരാന്ത്യം അടിച്ചുപൊളിച്ച്‌ ആഘോഷിക്കാനിതാ 10 ഇടങ്ങള്‍ അറിയാം.  ഗ്രാമീണ കാഴ്ചകളുമായി അയ്മനം  :--- വീണ്ടും രാജ്യാന്തര അംഗീകാരം നേടി കോട്ടയം ജില്ലയിലെ അയ്മനം. ഈ വര്‍ഷം സന്ദര്‍ശിക്കേണ്ട ലോകത്തെ 30 വിനോദസഞ്ചാര കേന്ദ്രങ്ങളുടെ പട്ടികയില്‍ അയ്മനം മാതൃകാ ടൂറിസം ഗ്രാമം ഇടംപിടിച്ചിട്ടുണ്ട്. ട്രാവല്‍ മാഗസിനായ കൊണ്ടേ നാസ്റ്റ് ട്രാവലര്‍ തയാറാക്കിയ പട്ടികയിലാണിത്. ഉത്തരവാദിത്ത ടൂറിസം മിഷന്‍ അയ്മനം പഞ്ചായത്തുമായി ചേര്‍ന്നു നടപ്പാക്കിയ പദ്ധതിക്കാണു നേട്ടം. സഞ്ചാരികള്‍ക്ക് ഗ്രാമീണ കാഴ്ചകള്‍ ആസ്വദിക്കുവാന്‍ ഇവിടേയ്ക്ക് എത്തിച്ചേരാം. അനുഭവേദ്യ വിനോദ സഞ്ചാരമാണ് (എക്സ്പീരിയന്‍ഷ്യല്‍ ടൂറിസം) അയ്മനത്തിന്റെ മാതൃക. ഗ്രാമീണ ക...

ത​മി​ഴ്‌​നാ​ട്ടി​ലെ തേ​നി​യി​ല്‍ കാ​ര്‍ ലോ​റി​യി​ലി​ടി​ച്ചു​ണ്ടാ​യ അ​പ​ക​ട​ത്തി​ല്‍ ര​ണ്ട് മ​ല​യാ​ളി​ക​ള്‍ മ​രി​ച്ചു. ഒ​രാ​ള്‍​ക്ക് ഗു​രു​ത​ര പ​രി​ക്കു​ണ്ട്.  ഇ​ന്ന് പു​ല​ര്‍​ച്ചെ അ​ഞ്ചി​നാ​ണ് അ​പ​ക​ട​മു​ണ്ടാ​യ​ത്. ട​യ​ര്‍ പൊ​ട്ടി​യ കാ​ര്‍ ലോ​റി​യി​ല്‍ വ​ന്നിടി​ക്കു​ക​യാ​യി​രു​ന്നു രും  ഇടിയുടെ ആഘാതത്തിൽ കാർപൂർണമായും തകർന്നു. രണ്ടു പേർ സംഭവ സ്ഥലത്ത് തന്നെ മരണപ്പെട്ടു. കോട്ടയം തിരുവാതുക്കൽ സ്വദേശികളായ അക്ഷയ് അജേഷ്, ഗോകുൽ എന്നിവരാണ് മരിച്ചത്. ഇവരുടെ സുഹൃത്ത് വടവാതൂർ സ്വദേശി അനന്ദു ഗുരുതരമായി പരുക്കേറ്റ് തേനി മെഡിക്കൽ കോളജിൽ ചികില്‍സയിലാണ്. അനന്ദുവിന്‍റെ സഹോദരിയെ തമിഴ്നാട്ടിലെ കോളജിൽനിന്ന് കൂട്ടിക്കൊണ്ടുവരാനായി പോയതായിരുന്നു മൂവരും  അല്ലി നഗരം പൊലീസ് മറ്റ് നടപടികൾ സ്വീകരിച്ച് വരികയാണ്..  

കോട്ടയം ജില്ലയിലെ കങ്ങഴയിൽ  അയൽവാസിയുടെ വീട്ടിൽ അതിക്രമിച്ചു കയറി മധ്യവയസ്കനെയും മകനെയും ആക്രമിച്ച കേസിൽ മൂന്നു പേരെ പോലീസ് അറസ്റ്റ് ചെയ്തു. കങ്ങഴ ഉള്ളായം ഭാഗത്ത് തുണ്ടിയിൽ വീട്ടിൽ സദൻ മകൻ അനന്ദു സദൻ(22), വാഴൂർ 17- ആം മൈൽ ആനിക്കൽ വീട്ടിൽ അനിയൻ മകൻ അശ്വിൻ (21), ഇളംപള്ളി പുത്തന്‍ വീട്ടിൽ രാജൻ മകൻ രാഹുൽ രാജ് (23) എന്നിവരെയാണ് കറുകച്ചാൽ പോലീസ് അറസ്റ്റ് ചെയ്തത് ഇവർ മൂവരും ചേർന്ന് കഴിഞ്ഞദിവസം രാത്രി അയൽവാസിയായ മധ്യവയസ്കന്റെ വീട്ടിൽ അതിക്രമിച്ചു കയറി മധ്യവയസ്കനെയും,മകനെയും മർദ്ദിക്കുകയും, കല്ലുകൊണ്ട് ഇടിക്കുകയായിരുന്നു. ഇവരുടെ വീടിന്റെ മുൻവശത്തെ റോഡിൽ പ്രതികളിൽ ഒരാളായ അനന്തു തന്റെ ഓട്ടോറിക്ഷ ഇട്ട് കൂട്ടുകാരുമൊത്ത് ബഹളം വച്ചതിനെ മധ്യവയസ്കന്റെ മകൻ ചോദ്യം ചെയ്യുകയും തടര്‍ന്ന് ഇവർ സംഘം ചേർന്ന് വീട്ടിൽ അതിക്രമിച്ചു കയറി ഇരുവരെയും ആക്രമിക്കുകയായിരുന്നു പരാതിയെ തുടർന്ന് കറുകച്ചാൽ പോലീസ് കേസ് രജിസ്റ്റർ ചെയ്യുകയും പ്രതികളെ പിടികൂടുകയുമായിരുന്നു. ഇവരെ കോടതിയിൽ ഹാജരാക്കി റിമാൻഡ് ചെയ്തു. 

തിരുവല്ലയിൽ  വിഷമുള്ള പ്രാണിയുടെ കുത്തേറ്റ് ചികിത്സയിൽ കഴിഞ്ഞിരുന്ന എട്ടാംക്ലാസ് വിദ്യാർഥിനി മരിച്ചു.പെരിങ്ങര പതിമൂന്നാംവാർഡിൽ കോച്ചാരിമുക്കം പാണാറ വീട്ടിൽ അനീഷിന്റെയും ശാന്തി കൃഷ്ണന്റെയും മകൾ അംജിത അനീഷാണ്‌(13) മരിച്ചത്.തിരുവല്ല എം.ജി.എം. സ്കൂൾ വിദ്യാർഥിനിയാണ്. മാർച്ച് ഒന്നിന് വൈകീട്ട് 5.30-ന് വീടിനുസമീപത്തെ പുരയിടത്തിൽ കൂട്ടുകാർക്കൊപ്പം കളിക്കുമ്പോഴാണ് ചെവിക്കുതാഴെ പ്രാണിയുടെ കുത്തേറ്റത്. അരമണിക്കൂറിനുള്ളിൽ ദേഹമാസകലം ചൊറിഞ്ഞുതടിച്ചു. തുടർന്ന് തിരുവല്ല താലൂക്കാശുപത്രിയിലെത്തിച്ചു. ഇവിടെ പ്രാഥമികചികിത്സ നൽകി വീട്ടിലേക്ക്‌ മടങ്ങാനൊരുങ്ങുമ്പോൾ കുട്ടി കുഴഞ്ഞുവീണു. തുടർന്ന് തിരുവല്ലയിലെ സ്വകാര്യ മെഡിക്കൽ കോളേജിൽ പ്രവേശിപ്പിച്ചു.ശ്വാസകോശത്തിലേക്ക് അണുബാധ പടർന്നതിനെത്തുടർന്ന് വെന്റിലേറ്ററിലായിരുന്നു. വെള്ളിയാഴ്ച പുലർച്ചെയാണ് മരിച്ചത്. സംസ്കാരം നടത്തി.ശക്തിയേറിയ വിഷമുള്ള പ്രാണിയാകാം കടിച്ചതെന്നാണ് ഡോക്ടർമാരുടെ നിഗമനം... 

കണ്ണൂര്‍, കാസറഗോഡ് ജില്ലകളില്‍ ഇന്നും നാളെയും ( മാര്‍ച്ച്‌ 3 &4 ) ഉയര്‍ന്ന താപനില സാധാരണയില്‍ നിന്നും 3°c മുതല്‍ 5°c വരെ ഉയരാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. ഈ ജില്ലകളില്‍ ഉയര്‍ന്ന താപനില 36°c മുതല്‍ 39°c വരെ ഉയരാന്‍ സാധ്യത. സംസ്ഥാനത്ത് വേനല്‍ ചൂട് വര്‍ദ്ധിച്ചു വരുന്ന സാഹചര്യത്തില്‍ പൊതുജനങ്ങള്‍ക്കായി സംസ്ഥാന ദുരന്ത നിവാരണ അതോറിറ്റി പുറപ്പെടുവിക്കുന്ന ജാഗ്രത നിര്‍ദേശങ്ങള്‍. * പൊതുജനങ്ങള്‍ പകല്‍ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തില്‍ കൂടുതല്‍ സമയം തുടര്‍ച്ചയായി സൂര്യപ്രകാശം എല്‍ക്കുന്നത് ഒഴിവാക്കുക. * ജലം പാഴാക്കാതെ ഉപയോഗിക്കാനും വേനല്‍ മഴ ലഭിക്കുമ്ബോള്‍ പരമാവധി ജലം സംഭരിക്കാനുമുള്ള നടപടികള്‍ സ്വീകരിക്കണം. നിര്‍ജലീകരണം തടയാന്‍ കുടിവെള്ളം എപ്പോഴും ഒരു ചെറിയ കുപ്പിയില്‍ കയ്യില്‍ കരുതുക. * പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്‍ജ്ജലീകരണമുണ്ടാക്കുന്ന മദ്യം, കാപ്പി, ചായ, കാര്‍ബണേറ്റഡ് സോഫ്റ്റ് ഡ്രിങ്കുകള്‍ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക. * അയഞ്ഞ, ഇളം നിറത്തിലുള്ള പരുത്തി വസ്ത...