കോട്ടയം പാലായില് സുഹൃത്തിനെ കുത്തിക്കൊലപ്പെടുത്തിയ കേസ്. പ്രതിയെ കോടതി റിമാൻഡ് ചെയ്തു...
കോട്ടയം പാലായില് സുഹൃത്തിനെ കുത്തിക്കൊലപ്പെടുത്തിയ കേസില് പ്രതിയെ റിമാൻഡ് ചെയ്തു. ആലപ്പുഴ കളർകോട് അറയ്ക്കക്കുഴിയില് ബിബിൻ യേശുദാസിനെ (29) കൊലപ്പെടുത്തിയ കേസില് അറസ്റ്റിലായ പ്രതി ആലപ്പുഴ വാടയ്ക്കല് പള്ളിപ്പറമ്ബില് പി വി വിനീഷിനെ(27)യാണ് പാലാ കോടതി റിമാൻഡ് ചെയ്തത്. വിനീഷിൻ്റെ പെണ്സുഹൃത്തിന് ബിബിൻ സന്ദേശം അയച്ചതുമായി ബന്ധപ്പെട്ട് ഇരുവരും തർക്കമുണ്ടായി.ലെയ്ത്ത് നിർമ്മാണ ഉപകരാറുകാരനായ ബിബിനും ഇയാളുടെ ജോലിക്കാരനായ വിനീഷും പാലായില് ഒരു വീടിൻ്റെ നിർമ്മാണ ജോലിക്ക് എത്തിയതായിരുന്നു.
വീടിൻ്റെ പാലുകാച്ചലിനോടനുബന്ധിച്ച് ഉടമ നടത്തിയ പാർട്ടിയില് പങ്കെടുത്ത ഇരുവരും തെക്കേക്കരയിലെ സ്വകാര്യ അപ്പാർട്ട്മെൻ്റിന് മുന്നില് വ്യാഴം രാത്രിയാണ് മദ്യ ലഹരിയില് വാക്കുതർക്കത്തിലേർപെട്ടത്. തുടർന്നാണ് സംഭവം. കുത്തേറ്റ് ഗുരുതര പരിക്കുകളോടെ പാലാ ജനറല് ആശുപത്രിയില് എത്തിച്ച ബിബിൻ മരിച്ചു...
