Ente Kottayam Live

 സംസ്ഥാനത്ത് കനത്ത മഴയ്ക്ക് സാധ്യത. മധ്യവടക്കന്‍ ജില്ലകളില്‍ മഴ കനക്കും. 9 ജില്ലകളില്‍ ഇന്ന് യെല്ലോ അലേര്‍ട്ട് പ്രഖ്യാപിച്ചട്ടുണ്ട്. തിരുവനന്തപുരം കൊല്ലം പത്തനംതിട്ട പാലക്കാട് വയനാട് ഒഴികെയുള്ള ജില്ലകളിലാണ് മുന്നറിയിപ്പ്.  ശക്തമായ കാറ്റിനും ഇടിമിന്നലിനും സാധ്യതയുള്ളതിനാല്‍ പൊതുജനങ്ങള്‍ക്ക് ജാഗ്രത  പാലിക്കുന്നതിനായി മുന്നറിയിപ്പ് നല്‍കിയട്ടുണ്ട്. ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപപ്പെട്ടതാണ്  കേരളത്തിലെ മഴ സാഹചര്യം ശക്തമാക്കുന്നത്. ഈ സാഹചര്യത്തിൽ ഇന്ന് സംസ്ഥാനത്ത് 9 ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. തുടർന്നുള്ള ദിവസങ്ങളിലും യെല്ലോ അലർട്ട് പ്രഖ്യാപിച്ചിട്ടുണ്ട്. യെല്ലോ അലർട്ട് ആണ് പ്രഖ്യാപിച്ചിരിക്കുന്നതെങ്കിലും മഴ ശക്തി പ്രാപിക്കാൻ സാധ്യതയുള്ള മലയോര മേഖലയിൽ പ്രത്യേക ജാഗ്രത പുലർത്തേണ്ടതാണെന്നും കാലാവസ്ഥ വകുപ്പിന്‍റെ മുന്നറിയിപ്പിൽ പറയുന്നു. ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലാണ് ഇന്ന് യെല്ലോ അലർട്ട് പ്രഖ്യാപിച്ചിരിക്കുന്ന നാളെയും മറ്റന്നാളും കടലില്‍ പോകുന്നതിന് മത്സ്യത്തൊഴില...

9 കോടി രൂപ ചെലവിൽ അത്യാധുനിക സംവിധാനങ്ങളോടെ പുതിയ വാടകക്കെട്ടിടത്തിൽ സേവാ കേന്ദ്രം പുനരാരംഭിക്കും. കോട്ടയം ടിബിയുടെ എതിർവശത്തെ മാർക്കറ്റ് റോഡിന് അരികിലാണു കെട്ടിടം. പാസ്പോർട്ട് സേവനങ്ങൾ നടത്തുന്ന ടിസിഎസ് (ടാറ്റാ കൺസൽറ്റൻസി സർവീസസ്) നിർദേശിച്ച ബ്യൂറോ വെരിറ്റാസ് പ്രൈവറ്റ് ലിമിറ്റഡ് നാഗമ്പടത്ത് പ്രവർത്തിച്ച കെട്ടിടം പരിശോധിച്ച് ബലക്ഷയം കണ്ടെത്തിയതിനെത്തുടർന്നാണ് പുതിയ ക്രമീകരണം. പുതിയ കേന്ദ്രത്തിൽ വാഹന പാർക്കിനു സംവിധാനം ഉണ്ടാവും. കെട്ടിടത്തിനുള്ളിൽ ക്യുബിക്കിൾ തിരിച്ചു സൗകര്യം ഒരുക്കി. അതിവേഗ ഇന്റർനെറ്റ് സംവിധാനം ഒരുക്കും. ചെന്നൈയിൽ നിന്നുള്ള കമ്പനിക്കാണ് ഓഫിസ് നവീകരണച്ചുമതല. എമിഗ്രേഷന്റെയും ടിസിഎസിന്റെയും ഉയർന്ന ഉദ്യോഗസ്ഥർ പുതിയ കെട്ടിടം സന്ദർശിച്ചിരുന്നു. നാഗമ്പടത്തെ പാസ്പോർട്ട് സേവാകേന്ദ്രം അടച്ചതു മുതൽ ജില്ലയിൽ നിന്നുള്ള അപേക്ഷകർക്കു ആലപ്പുഴ, തൃപ്പൂണിത്തുറ, ആലുവ പാസ്പോർട്ട് കേന്ദ്രങ്ങളിലാണ് കൂടിക്കാഴ്ചയ്ക്കും മറ്റും സൗകര്യം ഒരുക്കിയത്. പുതിയ പാസ്പോർട്ട്, പുതുക്കൽ, പൊലീസ് ക്ലിയറൻസ് സർട്ടിഫിക്കറ്റ് തുടങ്ങിയ ആവശ്യങ്ങൾക്ക് ഇവിടങ്ങളിൽ കൂടുതൽ സ്ലോട്ടുകൾ അനുവദിച്ചിരുന്നു...

പുതുപ്പള്ളിയിലെ ഉമ്മന്‍ ചാണ്ടിയുടെ റെക്കോര്‍ഡ് മറികടന്ന് ചാണ്ടി ഉമ്മൻ.  പുതുചരിത്രം. 2011ല്‍ എല്‍ഡിഎഫ് സ്ഥാനാര്‍ഥി സൂജ സൂസന്‍ ജോര്‍ജിനെ 33,255 വോട്ടുകള്‍ക്ക് പരാജയപ്പെടുത്തിയതാണ് ഉമ്മന്‍ ചാണ്ടി റെക്കോര്‍ഡ് ഭൂരിപക്ഷം നേടിയിരിക്കുന്നത്. ഇതാണ് വോട്ടെണ്ണല്‍ പുരോഗമിക്കുന്നതിനിടെ ചാണ്ടി ഉമ്മന്‍ മറികടന്നത്. ചാണ്ടി ഉമ്മന്‍ 40000ല്‍പ്പരം വോട്ടുകള്‍ക്ക് ജയിക്കുമെന്നാണ് തെരഞ്ഞെടുപ്പ് വിദഗ്ധര്‍ നിരീക്ഷിക്കുന്നത്. 1970 മുതല്‍ മത്സരരംഗത്ത് ഉണ്ടായിരുന്ന ഉമ്മന്‍ ചാണ്ടി 2011ല്‍ നേടിയതാണ് റെക്കോര്‍ഡ് ഭൂരിപക്ഷം. 2016ല്‍ ജെയ്ക് സി തോമസിനെതിരെ നേടിയ 27,092 ആണ് ഭൂരിപക്ഷത്തില്‍ രണ്ടാമത്തേത്. എന്നാല്‍ 2021ല്‍ ഉമ്മന്‍ ചാണ്ടിയുടെ ഭൂരിപക്ഷം കുത്തനെ ഇടിഞ്ഞിരുന്നു. തെരഞ്ഞെടുപ്പില്‍ ജെയ്ക് സി തോമസ് കൂടുതല്‍ താളം കണ്ടെത്തുന്നതാണ് കണ്ടത്. അന്ന് 9,044 ആയിരുന്നു ഉമ്മന്‍ ചാണ്ടിയുടെ ഭൂരിപക്ഷം. 

പോളിംഗ് ശതമാനക്കുറവ് മുന്നണി നേതാക്കളുടെ ഉറക്കം കെടുത്തുന്നതിനിടെ, പുതുപ്പള്ളി ഉപതിരഞ്ഞെടുപ്പിന്റെ വോട്ടെണ്ണല്‍ നാളെ രാവിലെ 8 ന് കോട്ടയം ബസേലിയോസ് കോളേജ് ഓഡിറ്റോറിയത്തില്‍ ആരംഭിക്കും. ഉച്ചയ്ക്ക് മുമ്ബ് ഫലപ്രഖ്യാപനമുണ്ടാകും. 14 മേശകളിലായി 13 റൗണ്ടുകളായാണ് 182 ബൂത്തുകളിലെ വോട്ടെണ്ണുക. 80 വയസ് പിന്നിട്ടവരും, ഭിന്നശേഷിക്കാരുമായ 2491 പേര്‍ വീടുകളില്‍ വോട്ട് രേഖപ്പെടുത്തിയിരുന്നു. ഈ വോട്ടുകള്‍ അഞ്ചു മേശകളിലായി എണ്ണും. ഉമ്മൻചാണ്ടിയുടെ വിലാപയാത്രയിലെ അതി വൈകാരികത ഉപതിരഞ്ഞെടുപ്പില്‍ സഹതാപ തരംഗമായി പോളിംഗ് 80 ശതമാനം കടക്കുമെന്ന് യു.ഡി.എഫ് കണക്കുകൂട്ടിയിരുന്നു. 72.86 ശതമാനമെന്നാണ് തിരഞ്ഞെടുപ്പ് കമ്മിഷന്റെ അന്തിമ കണക്ക്. മുൻ തിരഞ്ഞെടുപ്പിനെ അപേക്ഷിച്ച്‌ 2570 വോട്ടിന്റെ കുറവ്.പോളിംഗ് മനഃപൂര്‍വം കുറയ്ക്കാൻ ഉദ്യോഗസ്ഥരുടെ ഒത്താശയോടെ ശ്രമിച്ചെന്ന ആരോപണം യു.ഡി.എഫ് സ്ഥാനാര്‍ത്ഥി ചാണ്ടി ഉമ്മൻ ഉന്നയിച്ചത് ശരി വച്ച്‌ കെ.പി.സി.സി പ്രസിഡന്റ് കെ.സുധാകരൻ രംഗത്തെത്തിയിരുന്നു. 182ല്‍ 179 ബൂത്തിലും നിശ്ചിത സമയത്ത് പോളിംഗ് പൂര്‍ത്തിയായിരുന്നു. വോട്ടര്‍മാരുടെ എണ്ണം കൂടിയ ബൂത്തുകളിലാണ് കാലതാമസമുണ്ടായത്. ...

സംസ്ഥാനത്ത് ഞായറാഴ്ച വരെ വ്യാപക മഴ. 🌧️🌧️🌧️🌧️🌧️  വെള്ളി: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം ശനി: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട് ഞായറാഴ്ച: ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്. 

വാഗമൺ കണ്ണാടിപ്പാലം സ‍ഞ്ചാരികൾക്കായി തുറന്നു. കാൻഡിലിവർ മാതൃകയിലുള്ള ഇന്ത്യയിലെ ഏറ്റവും നീളം കൂടിയ കണ്ണാടിപ്പാലവും സാഹസിക വിനോദ പാർക്കും മന്ത്രി മുഹമ്മദ് റിയാസ് ഉദ്ഘാടനം ചെയ്തു.  ഒരേ സമയം 15 പേർക്കു പ്രവേശനം അനുവദിക്കും. ഒരാൾക്ക് 500 രൂപയാണ് ചാർജ്. പത്ത് മിനിറ്റ് പാലത്തിൽ ചെലവഴിക്കാം… മുണ്ടക്കയം, കൂട്ടിക്കൽ, കൊക്കയാർ മേഖലകളുടെ വിദൂര ദൃശ്യങ്ങൾ ആസ്വദിക്കാം. 

ബിജെപി തന്നെ പ്രതീക്ഷിക്കുന്നത് 7000 വോട്ട്. ബാക്കി എവിടെപ്പോയി ?  ആരോപണവുമായി ജെയ്ക് സി തോമസ്. ഇരുകൂട്ടരും തമ്മിലുള്ള കൂട്ടുകെട്ടിന്റെ ചരിത്രം പുതുപ്പള്ളിയിലെ മുന്‍കാല കണക്കുകളില്‍ വ്യക്തമാണ്. ബിജെപി വോട്ട് എങ്ങോട്ടുപോയി എന്നത് ചര്‍ച്ച ചെയ്യപ്പെടേണ്ടതാണെന്നും ജെയ്ക് പറഞ്ഞു. പുതപ്പള്ളി മണ്ഡലത്തില്‍ ഇരുപതിനായിരം വോട്ടുവരെ ബിജെപിക്ക് ഉണ്ടായിരുന്നു. കഴിഞ്ഞ തവണ ലഭിച്ച വോട്ട് ബിജെപിക്ക് ലഭിക്കുമോ എന്ന കാര്യത്തില്‍ അവരുടെ പ്രവര്‍ത്തകര്‍ക്കിടയില്‍ തന്നെ അഭിപ്രായ വ്യത്യസമുണ്ട്. പരമാവധി ഏഴായിരം വോട്ടുകളാണ് ബിജെപി പ്രതീക്ഷിക്കുന്നത്. 2021ല്‍ ലഭിച്ച പതിനൊന്നായിരം വോട്ട് പോലും നേടാന്‍ കഴിയാത്ത സ്ഥിതിയാണ്. അത് എങ്ങോട്ടേക്ക് കൊടുത്തു, ഏത് രാഷ്ട്രീയത്തിന്റെ ഭാഗമായി അത്തരം ഒരു കുറവ് സംഭവിച്ചു എന്നുളളത് ചര്‍ച്ച ചെയ്യപ്പെടേണ്ടതാണ്. വോട്ടര്‍മാരുടെയും പുതുപ്പള്ളിക്കാരുടെയും പ്രതികരണം സൂചിപ്പിക്കുന്നത് ആത്മവിശ്വാസത്തോടെ മുന്നോട്ടുപോകാനാണെന്നും ജെയ്ക് പറഞ്ഞു. നാളെ രാവിലെ പത്തുമണിയോടെ പുതുപ്പള്ളി ഉപതെരഞ്ഞെടുപ്പിന്റെ ഫലം അറിയാനാകും. കോട്ടയം ബസേലിയസ് കോളജില്‍ നാളെ രാവിലെ എട്ടു മണിക്ക് വോട്ടെണ...

സൈബര്‍ ആക്രമണത്തിനെതിരെ ജെയ്‌ക് സി തോമസിന്റ ഭാര്യ ഗീതു തോമസ് നല്‍കിയ പരാധിയില്‍ മണര്‍കാട് പൊലീസ് കേസെടുത്തു. സിഐ സി ആര്‍ സന്തോഷിന്റെ നേതൃത്വത്തിലാണ് അന്വേഷണം നടക്കുക. ഫാന്റം പൈലി എന്ന ഫെയ്സ്ബുക് പേജിന്റെ അഡ്മിനെ പ്രതിയാക്കി. സമൂഹമാധ്യമങ്ങളിലൂടെയുള്ള അധിക്ഷേപങ്ങള്‍ക്കെതിരെ കഴിഞ്ഞ ദിവസമാണു ഗീതു കോട്ടയം എസ്പി ഓഫിസില്‍ നേരിട്ടെത്തി പരാതി നല്‍കിയത്. ഗര്‍ഭിണിയായ ഭാര്യയെ ഉപയോഗിച്ച്‌ ജെയ്ക്ക് സഹതാപവോട്ട് നേടാന്‍ ശ്രമിക്കുന്നെന്ന തരത്തിലായിരുന്നു പ്രചാരണം സ്‌ത്രീകളുടെ അന്തസ് കെടുത്തുന്ന പ്രവൃത്തികള്‍ക്കെതിരെ ഐപിസി 509 വകുപ്പ് പ്രകാരവും കേരള പൊലീസ് ആക്‌ടിലെ 119 വകുപ്പ് പ്രകാരവും സമൂഹ മാധ്യങ്ങളിലൂടെ സ്‌ത്രീകളെ അപമാനിക്കുന്നതിനെതിരെ കേരള പൊലീസ് ആക്‌ടിലെ 120 വകുപ്പ് പ്രകാരവുമാണ് എഫ്‌ഐആര്‍ രജിസ്റ്റര്‍ ചെയ്‌ത് കേസെടുത്തിരിക്കുന്നത്. പൂര്‍ണ ഗര്‍ഭിണിയായ തനിക്കെതിരെ തുടരുന്ന സൈബര്‍ ആക്രമണം കടുത്ത മാനസിക പ്രയാസമുണ്ടാക്കി എന്ന് കാണിച്ച്‌ കഴിഞ്ഞ ശനിയാഴ്ചയാണ് ഗീതു ജില്ല പൊലീസ് മേധാവിക്ക് പരാതി നല്‍കിയത്. ഗീതു ജെയ്കിനായി വോട്ട് ചോദിക്കുന്നതിന്റെ വിഡിയോ എഡിറ്റ് ചെയ്ത് പ്രചരിപ്പിച്ചായിരുന്നു വ്യാ...