ട്രെയിൻ യാത്രക്കിടെ ഹൃദയാഘാതം. കേരളാ കോണ്ഗ്രസ് നേതാവ് പ്രിൻസ് ലൂക്കോസ് അന്തരിച്ചു...
കേരളാ കോണ്ഗ്രസ് നേതാവ് പ്രിൻസ് ലൂക്കോസ് അന്തരിച്ചു. 51 വയസായിരുന്നു. ഹൃദയാഘാതത്തെ തുടർന്നാണ് അന്ത്യം. കോട്ടയം പെരുമ്ബായിക്കാട് സ്വദേശിയാണ്. കുടുംബത്തോടൊപ്പം വേളാങ്കണ്ണിയില് പോയി മടങ്ങുന്നതിനിടെ ട്രെയിനില് വെച്ചാണ് ഹൃദയാഘാതമുണ്ടായത്.
പുലർച്ചെ 3.30ന് തെങ്കാശ്ശിക്കടുത്ത് വെച്ചാണ് ഹൃദയാഘാതം സംഭവിച്ചത്. ഉടനെ തെങ്കാശിയിലെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. കേരള കോണ്ഗ്രസ് (ജോസഫ്) വിഭാഗത്തിന്റെ ഉന്നതാധികാര സമിതി അംഗമാണ്. കഴിഞ്ഞ നിയമസഭാ തെരഞ്ഞെടുപ്പില് ഏറ്റുമാനൂരില് മത്സരിച്ചിരുന്നു. കേരള കോണ്ഗ്രസ് സ്ഥാപക നേതാക്കളിലൊരാളായ ഒ വി ലൂക്കോസിന്റെ മകനാണ്...