കോട്ടയം അയ്മനത്ത് ആമ്ബല് ടൂറിസം ഫെസ്റ്റിന് തുടക്കമായി.മന്ത്രി വി.എൻ. വാസവൻ ഉദ്ഘാടനം ചെയ്തു...
അയ്മനത്തും ടൂറിസത്തിന് കുമരകം പോലെ ഒട്ടേറെ വികസനസാധ്യതകളുണ്ടെന്ന് അദ്ദേഹം പറഞ്ഞു. വൈവിധ്യങ്ങളായ പ്രവർത്തനങ്ങളിലൂടെ വിനോദസഞ്ചാരികളെ ആകർഷിക്കാനാകും. അതിനുള്ള തുടക്കമാണ് ആമ്ബല് വസന്തം ടൂറിസം ഫെസ്റ്റ്. അയ്മനം പഞ്ചായത്തില് വാട്ടർ തീം പാർക്ക് നിർമിക്കുന്നതുസംബന്ധിച്ച ചർച്ചകള് നടന്നുവരികയാണെന്നും മന്ത്രി പറഞ്ഞു. ഉദ്ഘാടനത്തിനു മുന്നോടിയായി മന്ത്രി വി.എൻ. വാസവൻ വള്ളത്തില് സഞ്ചരിച്ച് ആമ്ബല്പാടത്തിന്റെ ഭംഗി ആസ്വദിച്ചു. ഗ്രാമപഞ്ചായത്തംഗം കെ.എം. മേരിക്കുട്ടി അധ്യക്ഷത വഹിച്ചു. സ്വാഗതസംഘം കണ്വീനർ ബി.ജെ. ലിജീഷ്, ഗ്രാമപഞ്ചായത്ത് മുൻ പ്രസിഡന്റ് എ.കെ. ആലിച്ചൻ, കുടമാളൂർ സർവീസ് സഹകരണ ബാങ്ക് പ്രസിഡന്റ് സി.എൻ. ബാലചന്ദ്രൻ, അയ്മനം സർവീസ് സഹകരണബാങ്ക് മുൻ പ്രസിഡന്റ് കെ.കെ. ഭാനു എന്നിവർ പ്രസംഗിച്ചു.
ഉത്തരവാദിത്വ ടൂറിസം മിഷൻ, പുത്തൂക്കരി പാടശേഖര സമിതി, അരങ്ങ് സാംസ്കാരിക വേദി, ഐക്യവേദി റസിഡന്റ്സ് അസോസിയേഷൻ, പുത്തൂക്കരി റസിഡന്റ്സ് അസോസിയേഷൻ എന്നിവയുടെ സഹകരണത്തോടെ അയ്മനം ഗ്രാമപഞ്ചായത്തിന്റെ നേതൃത്വത്തിലാണ് ടൂറിസം ഫെസ്റ്റ് നടത്തുന്നത്. ഞായറാഴ്ച വരെ രാവിലെ ആറുമുതല് 10 വരെ നടക്കുന്ന ഫെസ്റ്റിന്റെ ഭാഗമായി വിവിധ മത്സരങ്ങള്, ആമ്ബല് ജലയാത്ര, നാടൻ ഭക്ഷ്യമേള, റീല്സ്-ഫോട്ടോ ഷൂട്ട് മത്സരങ്ങള് എന്നിവ നടക്കും. അയ്മനം പുത്തൂക്കരിയില് ആമ്ബല്വസന്തം കനാല് ടൂറിസം ഫെസ്റ്റിന് തുടക്കം...