യൂട്യൂബര്‍ ഷാജൻ സ്‌കറിയയെ ആക്രമിച്ച സംഭവം. നാല് പ്രതികള്‍ പിടിയില്‍...
യുട്യൂബർ ഷാജൻ സ്‌കറിയയെ ആക്രമിച്ച കേസില്‍ നാല് പ്രതികള്‍ പിടിയില്‍. ബംഗളൂരുവില്‍ ഒളിവില്‍ കഴിയുന്നതിനിടെയാണ് പ്രതികള്‍ അറസ്റ്റിലായത്. ഇടുക്കി തൊടുപുഴയില്‍ വച്ചാണ് ഷാജൻ സ്‌കറിയയ്ക്ക് മർദനമേറ്റത്. മർദനത്തിന്റെ ദൃശ്യങ്ങള്‍ കഴിഞ്ഞ ദിവസം പുറത്തിറങ്ങിയിരുന്നു. സംഭവത്തില്‍ കണ്ടാലറിയാവുന്ന അഞ്ചുപേർക്കെതിരെയാണ് പൊലീസ് കേസെടുത്തത്.
തൊടുപുഴയില്‍ വിവാഹ ചടങ്ങിന് എത്തിയതായിരുന്നു ഷാജൻ. പരിക്കേറ്റ ഷാജനെ പൊലീസ് വഴിയില്‍ നിന്ന് ആശുപത്രിയില്‍ എത്തിക്കുകയായിരുന്നു. ഷാജൻ സ്‌കറിയ ചികിത്സയില്‍ തുടരുകയാണ്...
