വാഗമണ്ണിൽ ചാർജിങ്ങ് സ്റ്റേഷനിൽ ഇരുന്ന് കുഞ്ഞിന് പാൽ നൽകുന്നതിനിടെ അമ്മയുടെയും കുഞ്ഞിന്റെയും ശരീരത്തിലേക്ക് കാർ ഇടിച്ചു കയറി. തിരുവനന്തപുരം സ്വദേശിയായ നാലു വയസ്സുകാരന് ദാരുണാന്ത്യം...
വാഗമണ്‍ വഴിക്കടവില്‍ ചാർജിംഗ് സ്റ്റേഷനില്‍ കാർ ഇടിച്ചു കയറി നാലുവയസുകാരൻ മരിച്ചു. തിരുവനന്തപുരം നേമം സ്വദേശി ആര്യയുടെ മകൻ അയാൻ ആണ് മരിച്ചത്. ആര്യക്ക് ഗുരുതരമായി പരിക്കേറ്റു. ശനിയാഴ്ച വൈകിട്ട് മൂന്നുമണിയോടെയാണ് അപകടം.
കാർ ചാർജ് ചെയ്യാൻ നിറുത്തിയിട്ട് ചാർജിംഗ് സ്റ്റേഷന്റെ മറ്റൊരു ഭാഗത്ത് കസേരയില്‍ ഇരിക്കുകയായിരുന്നു ആര്യയും അയാനും. ഇതിനിടെ ചാർജ്ചെയ്യാൻ എത്തിയ മറ്റൊരു കാർ പാർക്ക് ചെയ്യുന്നതിനിടെ നിയന്ത്രണം വിട്ട് ആര്യയുടെയും അയാന്റെയും മേല്‍ ഇടിച്ചു കയറുകയായിരുന്നു. ഗുരുതരമായി പരിക്കേറ്റ ആര്യയെ പാലായിലെ മാർ സ്ലീവ ആശുപത്രിയില്‍ പ്രവേശിപ്പിച്ചു. അയാനെയും ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. പാലാ പോളിടെക്‌നിക് കോളേജിലെ അദ്ധ്യാപികയാണ് ആര്യ . അപകടത്തിന്റെ സിസി ടിവി ദൃശ്യങ്ങള്‍ പുറത്തുവന്നിട്ടുണ്ട്. ഈരാറ്റുപേട്ട സ്വദേശിയുടേതാണ് അപകടമുണ്ടാക്കിയ കാർ എന്നാണ് വിവരം...
