പാലാ ഭരണങ്ങാനത്ത് മീനച്ചിലാറ്റില്‍ കാണാതായ വിദ്യാര്‍ത്ഥികളില്‍ ഒരാളുടെ മൃതദേഹം കണ്ടെത്തി. കണ്ടെത്തിയത് മുണ്ടക്കയം സ്വദേശിയുടെ മൃതദേഹം. രണ്ടാമത്തെയാള്‍ക്കായി തെരച്ചില്‍ തുടരുന്നു..
കോട്ടയം ഭരണങ്ങാനത്ത് മീനച്ചിലാറ്റില്‍ കുളിക്കാനിറങ്ങി കാണാതായ രണ്ട് വിദ്യാർത്ഥികളില്‍ ഒരാളുടെ മൃതദേഹം കണ്ടെത്തി. മുണ്ടക്കയം സ്വദേശി ആല്‍ബിൻ ജോസഫി (21) ന്റെ മൃതദേഹം ആണ് കിട്ടിയത്. ഇടുക്കി അടിമാലി സ്വദേശി അമല്‍ കെ ജോമോന് വേണ്ടി തെരച്ചില്‍ തുടരുകയാണ്. നാട്ടുകാരും ഫയർഫോഴ്‌സും ചേർന്നു നടത്തിയ തെരച്ചിലില്‍ ആണ് മൃതദേഹം കിട്ടിയിരിക്കുന്നത്.
ഇന്നലെയാണ് ഭരണങ്ങാനം അസീസി ഭാഷ പഠന കേന്ദ്രത്തിലെ 2 വിദ്യാർത്ഥികളെ വിലങ്ങുചിറ പാലത്തിനു സമീപത്തു വെച്ച്‌ കാണാതായത്. ഇന്നലെ നാല് വിദ്യാർത്ഥികളാണ് മീനച്ചിലാറ്റില്‍ കുളിക്കാനിറങ്ങിയത്. ഇവരില്‍ രണ്ട് പേരെ കാണാതാവുകയായിരുന്നു. ഇന്നലെ മുതല്‍ വിദ്യാർത്ഥികള്‍ക്കായി തെരച്ചില്‍ നടത്തി വരികയായിരുന്നു..
