ജാഗ്രത. 5 നദികളില് അപകടകരമായി ജലനിരപ്പ് ഉയരുന്നു. പ്രളയ സാധ്യതാ മുന്നറിയിപ്പ്...
കനത്ത മഴയ്ക്കു പിന്നാലെ വീണ്ടും സംസ്ഥാനത്തെ 5 പുഴകളില് പ്രളയ സാധ്യതാ മുന്നറിയിപ്പ്. കോട്ടയം ജില്ലയിലെ മീനച്ചില് , പത്തനംതിട്ട ജില്ലയിലെ അച്ചൻകോവില് , മണിമല എന്നീ നദികളില് ഓറഞ്ചും; കോഴിക്കോട് ജില്ലയിലെ കോരപ്പുഴ , തിരുവനന്തപുരം ജില്ലയിലെ വാമനപുരം നദികളില് യെല്ലോ അലർട്ടും പ്രഖ്യാപിച്ചിട്ടുണ്ട്. ഈ പുഴകളോട് ചേർന്ന് താമസിക്കുന്നവർ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അഥോറിറ്റി മുന്നറിയിപ്പ് നല്കി.
അപകടകരമായ രീതിയില് ജലനിരപ്പുയരുന്നതിനെ തുടർന്ന് സംസ്ഥാന ജലസേചന വകുപ്പിന്റെ, കോട്ടയം ജില്ലയിലെ മീനച്ചിലാറ്റിലുള്ള പേരൂർ സ്റ്റേഷൻ, പത്തനംതിട്ട ജില്ലയിലെ അച്ചൻകോവിലാറ്റിലുള്ള കോന്നി സ്റ്റേഷൻ, മണിമലയാറിലെ തോണ്ടറ (വള്ളംകുളം) സ്റ്റേഷൻ എന്നിവിടങ്ങളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്.
കോഴിക്കോട് ജില്ലയിലെ കോരപ്പുഴയിലെ കുന്നമംഗലം സ്റ്റേഷൻ, പത്തനംതിട്ട ജില്ലയിലെ അച്ചൻകോവിലാറ്റിലെ കല്ലേലി സ്റ്റേഷൻ, തിരുവനന്തപുരം ജില്ലയിലെ വാമനപുരം നദിയിലെ മൈലമൂട് സ്റ്റേഷൻ എന്നിവിടങ്ങളില് യെല്ലോ അലർട്ടും പ്രഖ്യാപിച്ചു. ഈ നദികളുടെ കരയില് താമസിക്കുന്നവർ ജാഗ്രത പുലർത്തേണ്ടതാണെന്നും മുന്നറിയിപ്പില് പറയുന്നു.
യാതൊരു കാരണവശാലും ആളുകള് നദികളില് ഇറങ്ങാനോ നദി മുറിച്ചു കടക്കാനോ പാടില്ല. തീരത്തോടു ചേർന്ന് താമസിക്കുന്നവർ ജാഗ്രത പാലിക്കേണ്ടതാണ്. അധികൃതരുടെ നിർദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറിത്താമസിക്കാൻ തയാറാകണമെന്നും മുന്നറിയിപ്പിലുണ്ട്...