മൃതദേഹങ്ങള്‍ ജിമ്മിയുടെ വീട്ടിലേക്ക് കൊണ്ടു പോകില്ല. ആറ്റില്‍ ചാടി മരിച്ച ജിസ്‌മോളുടെയും പെണ്‍മക്കളുടെയും സംസ്‌കാരം ഇന്ന്. മൃതദേഹങ്ങള്‍ നീറിക്കാട് പള്ളിയില്‍ പൊതുദര്‍ശനത്തിന് വെക്കും...
എന്നാല്‍, ജിസ്മോളുടെ കുടുംബം കുടുത്ത പ്രതിഷേധം അറിയിക്കുകയും മൃതദേഹങ്ങള്‍ ജിമ്മിയുടെ വീട്ടിലേക്ക് കൊണ്ടു പോകാന്‍ സമ്മതിക്കില്ലെന്ന് അറിയിക്കുകയായിരുന്നു.
എങ്കിലും മൃതദേഹങ്ങള്‍ ജിമ്മിയുടെ മാതൃ ഇടവകയായ നീറിക്കാട് ലൂര്‍ദ് മാതാ പള്ളിഹാളില്‍ പൊതുദര്‍ശനത്തിനു വെക്കും. തുടര്‍ന്ന് മൃതദേഹങ്ങള്‍ ജിസ്മോളുടെ നാടായ പാലാ പടിഞ്ഞാറ്റിങ്കര പൂവത്തിങ്കലിലെ ചെറുകര സെന്റ് മേരീസ് ക്‌നാനായ പള്ളിയില്‍ വൈകിട്ട് 3.30ന് സംസ്‌കാരം നടക്കും
ജിസ്മോള് ഭര്‍ത്താവിന്റെ വീട്ടില്‍ മാനസിക പീഡനം അനുഭവിച്ചെന്ന് ആവര്‍ത്തിച്ച്‌ സഹോദരന്‍ ജിറ്റു തോമസ് രംഗത്തു വന്നിരുന്നു.
നിറത്തിന്റെ പേരിലും സാമ്ബത്തികത്തിന്റെ പേരിലും അമ്മായിമ്മ ജിസ്മോളെ പീഡിപ്പിച്ചിരുന്നു. മുന്‍പ് ഉണ്ടായ പീഡനങ്ങളുടെ വിവരങ്ങള്‍ ജിസ്മോള്‍ടെ പിതാവും സഹോദരനും പോലീസില്‍ മൊഴി നല്‍കി.
മരിക്കുന്നതിന് രണ്ട് ദിവസം മുന്‍പ് മുതല്‍ ഫോണില്‍ ബന്ധപ്പെടാന്‍ കഴിഞ്ഞിരുന്നില്ല. ഫോണ്‍ ഭര്‍ത്താവ് ജിമ്മി വാങ്ങി വെച്ചിരുന്നതായി സംശയിക്കുന്നുണ്ട്. പലതവണ ജിസ്മോളെ ഭര്‍തൃവീട്ടില്‍ നിന്ന് കൂട്ടികൊണ്ട് വരാന്‍ ശ്രമിച്ചിരുന്നു. ജിസ്സ്മോള്‍ടെ സഹോദരന്‍ പറഞ്ഞു.
കഴിഞ്ഞ ദിവസമാണ് ജിസ്‌മോളും കുട്ടികളും ആത്മഹത്യ ചെയ്തത്. വീട്ടില്‍ വെച്ച്‌ കൈ ഞെരമ്ബ് മുറിച്ച്‌ കുട്ടികള്‍ക്ക് വിഷം നല്‍കി പിന്നീട് പുഴയില്‍ ചാടുകയായിരുന്നു. ഉടന്‍ തന്നെ രക്ഷപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല....
