വയനാട് കേണിച്ചിറയില് ഭാര്യയെ കൊലപ്പെടുത്തി ഭർത്താവ് ആത്മഹത്യക്ക് ശ്രമിച്ചു. കേണിച്ചിറ സ്വദേശിനി ലിഷ ആണ് കൊല്ലപ്പെട്ടത്...
കടബാധ്യത. മക്കളെ മുറിയില് പൂട്ടിയിട്ടു, ഭാര്യയെ ശ്വാസം മുട്ടിച്ചു കൊന്നതിനു ശേഷം ഭര്ത്താവ് ആത്മഹത്യ ചെയ്യാൻ ശ്രമിച്ചു. കേണിച്ചിറ സ്വദേശിനി ലിഷ(39) ആണ് കൊല്ലപ്പെട്ടത്. കൈഞരമ്ബ് മുറിച്ച് ആത്മഹത്യക്ക് ശ്രമിച്ച ഭർത്താവ് ജിൻസണ് (43) ഗുരുതരാവസ്ഥയില് കോഴിക്കോട് മെഡിക്കല് കോളേജില് ചികിത്സയിലാണ്.
ഞായറാഴ്ചയായിരുന്നു സംഭവം. വാട്ടർ അതേറിറ്റി ജീവനക്കാരനാണ് ജിൻസണ്. കടബാധ്യതയെ ചൊല്ലിയുണ്ടായ തർക്കത്തിനൊടുവില് ജിൻസണ് ലിഷയെ ശ്വാസംമുട്ടിച്ച് കൊലപ്പെടുത്തുകയായിരുന്നുവെന്നാണ് പ്രാഥമിക നിഗമനം.
രണ്ടു മക്കളെയും മുറിയില് പൂട്ടിയിട്ടതിന് ശേഷമായിരുന്നു ജിൻസണ് ഭാര്യയെ കൊലപ്പെടുത്തി ആത്മഹത്യക്ക് ശ്രമിച്ചത്. ജിൻസണ് എഴുതിയതായി കരുതപ്പെടുന്ന ആത്മഹത്യ കുറിപ്പ് വീട്ടില് നിന്നും കണ്ടെത്തിയതായും വിവരമുണ്ട്...