ഇന്ത്യയില്‍ കൊറോണ വൈറസ് കേസുകള്‍ വീണ്ടും അതിവേഗം വര്‍ദ്ധിച്ചു കൊണ്ടിരിക്കുന്നു. രാജ്യത്ത് സജീവമായ കേസുകളുടെ എണ്ണം 1252 ആയി, ഇതുവരെയുള്ള ആകെ മരണങ്ങളുടെ എണ്ണം 13 ആയി...
രാജ്യത്ത് സജീവമായ കൊറോണ കേസുകളുടെ എണ്ണം 1252 ആയി, ആകെ മരണം 13 ആയി. ഏറ്റവും കൂടുതല്‍ കേസുകള്‍ കേരളത്തിലും മഹാരാഷ്ട്രയിലും. കേരളത്തിലാണ് ഏറ്റവും കൂടുതല്‍ പേര്‍ക്ക് കോവിഡ് സ്ഥിരീകരിച്ചത്, 430 പേര്‍ക്ക്. മഹാരാഷ്ട്രയില്‍ സജീവമായ കേസുകളുടെ എണ്ണം 325 ആണ്, അതില്‍ 316 രോഗികള്‍ മുംബൈയില്‍ നിന്നുള്ളവരാണ്. സജീവ കേസുകളുടെ കാര്യത്തില്‍ മഹാരാഷ്ട്ര രണ്ടാം സ്ഥാനത്താണ്. ചണ്ഡീഗഡില്‍ ചികിത്സയ്ക്കിടെ ഉത്തര്‍പ്രദേശില്‍ നിന്നുള്ള ഒരാളും മരിച്ചു. പഞ്ചാബിലെ ലുധിയാനയില്‍ ജോലി ചെയ്തിരുന്ന വ്യക്തിക്ക് ശ്വസിക്കാന്‍ ബുദ്ധിമുട്ടുണ്ടെന്ന് പരാതിപ്പെട്ടതിനെത്തുടര്‍ന്ന് ചണ്ഡീഗഡിലേക്ക് റഫര്‍ ചെയ്തിരുന്നു.
അവിടെ വെച്ച്‌ നടത്തിയ പരിശോധനയില്‍ അദ്ദേഹത്തിന് കൊറോണ പോസിറ്റീവ് ആണെന്ന് കണ്ടെത്തി. രാജ്യത്തെ വിവിധ സംസ്ഥാനങ്ങളിലായി ആകെ 13 മരണങ്ങള്‍ കോവിഡ് മൂലം സംഭവിച്ചു. മഹാരാഷ്ട്ര, രാജസ്ഥാന്‍, പശ്ചിമ ബംഗാള്‍, കര്‍ണാടക, മധ്യപ്രദേശ് എന്നിവിടങ്ങളിലായി ആകെ 11 രോഗികള്‍ മരിച്ചു...
