കേരളപ്പിറവിയില്‍ കാണിക്കയായി കോട്ടയത്തിന് സ്മാര്ട്ട് റേഷന്‍കാര്‍ഡ്...
എ.ടി.എം കാര്ഡ് മാതൃകയില്‍ ചിപ്പോടുകൂടിയ സ്മാര്ട്ട് റേഷന്‍ കാര്‍ഡുകള്‍ വിതരണം ചെയ്യാനുള്ള നടപടികള്‍ കോട്ടയം ജില്ലയില്‍ ആരംഭിച്ചു. കാര്ഡുകളില് തിരുത്തല്‍ വരുത്തുന്നതിനും, പേരുകള്‍ കൂട്ടിച്ചേര്‍ക്കുന്നതിനുമുള്ള നടപടികള്‍ ഇന്നലെ പൂര്‍ത്തിയായി. നവംബര്‍ 1 മുതല്‍ കാര്ഡ് വിതരണം ചെയ്ത് തുടങ്ങും. തിരുത്തല്‍ സംബന്ധിച്ച്‌ 328 അപേക്ഷകളാണ് ഓണ്‍ലൈന്‍ വഴി ലഭിച്ചത്. ഈ അപേക്ഷകളില്‍ തിരുത്തല്‍ വരുത്തിയവര്‍ക്ക് ലഭിക്കുന്നത് എ.ടി.എമ്മിന് സമാനമായ രീതിയുള്ള സ്മാര്ട്ട് കാര്‍ഡായിരിക്കും. അക്ഷയ കേന്ദ്രങ്ങളില്‍ എത്തി കാര്ഡുകളില് തിരുത്തല്‍ വരുത്തുന്നവര്‍ക്ക് താത്കാലികമായി ഇ-കാര്‍ഡാണ് നല്‍കുന്നത്. കഴിഞ്ഞ ഫെബ്രുവരിയിലാണ് സംസ്ഥാനത്ത് റേഷന്‍ കടകളിലെ വിവരങ്ങളെല്ലാം സമ്ബൂര്‍ണമായും ഓണ്‍ലൈനിലായത്. ഇ പോസ് യന്ത്രവും സ്ഥാപിച്ചു.
പോക്കറ്റില്‍ കൊണ്ടുനടക്കാം :---
പോക്കറ്റില്‍ കൊണ്ടു നടക്കാന്‍ സാധിക്കുന്ന കാര്‍ഡില്‍ ബാര്‍കോഡും, ക്യൂ ആര്‍ കോഡും ഉണ്ടാകും. ഭാവിയില്‍ റേഷന്‍ കാര്ഡ് ആവശ്യങ്ങള്‍ക്കായി വിവിധ സ്ഥലങ്ങളില്‍ എത്തിക്കുമ്ബോള്‍ ഈ ക്യു ആര്‍ കോഡോ, ബാര്‍കോഡോ സ്‌കാന്‍ ചെയ്താല്‍ മതി.
സ്മാര്ട്ട് കാര്ഡ് ഇങ്ങനെ :---
ഉടമയുടെ പേര്, ഫോട്ടോ, വിലാസം തുടങ്ങിയ വിവരങ്ങള്‍ മുന്‍വശത്തും പ്രതിമാസവരുമാനം, റേഷന്‍ കട നമ്ബര്‍, വീട് വൈദ്യുതീകരിച്ചതാണോ, ഗ്യാസ് സിലിണ്ടര്‍ ഉണ്ടോ തുടങ്ങിയ വിവരങ്ങള്‍ മറുവശത്തുമാണ്. താലൂക്ക് സപ്ലൈ ഓഫീസിന്റെയും, ജില്ലാ സപ്ലൈ ഓഫീസിന്റെയും, റേഷനിംഗ് ഇന്‍സ്‌പെക്ടറുടെയും നമ്ബരും ഉള്‍പ്പെടുത്തും...
